News & Activities
ۆرکشۆپی ئیلایزا
لقى مایکرۆبایۆلۆجى کۆلیژى پزیشکى ڤێترنەرى, هەڵستا بە ئەنجامدانى ۆرکشۆپێکى زانستى بۆ پشکنینى زانستى ئیلایزا, کە تیایدا ٢٥ مامۆستا بەژداربوون لە مامۆستایانى کۆلیژى پزیشکى ڤێترنەرى و مامۆستاى کۆلیژەکانى تر, ۆرکشۆپەکە دوو ڕۆژى خایاند لە ٥-٢-٢٠٠١٩ و ٦-٢-٢٠١٩, بەرنامەى ۆرکشۆپەکە پێک هاتبوو لە:
ڕۆژی یەکەم (٥-٢-٢٠١٩):
٩:٣٠-١٠ تۆمارکردنى ناو بەژداربووان
پاشان بە ووتارى بەڕێز پ. ی د. فەرەیدوون عبدالستار ڕاگری کۆلیژى پزیشکى ڤێترنەرى دەستى پێکرد, کە تیایدا بەڕێزیان باسى لە گرنگى ئەم کارە زانستیانە کرد بۆ زیاتر ئاشنابوونى مامۆستایان بە تەکنیکى ئیلایزا وەک پشکنینێکى زانستى لە دەست نیشانکردنى نەخۆشى جۆراوجۆرو توێژینەوەى زانستى, لە پاشان بەرنامەى ۆرکشۆپەکە دەستى پێکرد لەڕێ ى سازدانى ٣ سیمینار لەلایەن ئەم بەڕێزانەى لاى خوارەوە:
| ١ | د. ڕێبەر نەوزاد | B-cell response and antibody production |
| ٢ | د. هەوراز فەرهاد | Introduction to ELISA |
| ٣ | د. سهى على | Types of ELISA |
ڕۆژی دووەم (٦-٢-٢٠١٩):
تەرخانکرابوو بۆ پڕاکتیزەکردنى تەکنیکى ئیلایزا, کە سەرەتا لەلایەن د. دانا عومەر سەرەتایەک پێشکەشکرا لەسەر پلەیتى ئیلایزا و جیهازى ئیلایزا, پاشانیش بەژداربووان دابەشى چەند گروپێک کران لە سەنتەرى توێژینەوەى کۆلیژ, بۆ ئەوەى بەعەمەلى هەر گرووپێک بە تەکنیکى ئیلایزا پشکنین بۆ نەخۆشییەکى دەواجن بکەن لەڕێگەى وەرگرتنى خوێنەوە.
لە کۆتاییدا ڕاپۆرتى هەر گرووپێک گفتوگۆى لەسەر کرا لەگەڵ ئاشناکردنى بەژداربووان بەچۆنیەتى خوێندنەوەى ڕاپۆرتى ئیلایزا. لە کۆتایی ئەم ۆرکشۆپە بڕوانامەى بەژداریکردن دەبەخشرێتە بەژداربووان.
شیاوى ئاماژە بۆکردنە ئەم ۆرکشۆپە لەلایەن بەڕێز د. سادات عبداللە سەرۆکى لقى مایکرۆبایۆلۆجى ڕێکخرابوو.
سیمپۆزییەمى ڤایرۆسى کەم خوێنى لە مریشک
لە و دوو سیمینارەدا بابەتەکە بە تێر و تەسەلى پێشکەش کرا, بیرۆکەى ئەم بابەتە لەوەوە سەرچاوەى گرتبوو کە لەم چەند مانگەى دواییدا نەخۆشى (CIA) بەشێوەیەکى بەرچاو لە کێڵگە پەلەوەرییەکانى سلێمانى و دەوروبەرى لە بڵاوبۆوە و بووە هۆى لە ناوچوونى ژمارەیەکى زۆر لە مریشکى ناو کێڵگەکان, بۆیە ئامانجى سەرەکى ئەم کارە دۆزیینەوەى باشترین رێگەبوو بۆ دەست نیشانکردن و چارەسەرکردنى ئەم نەخۆشییە. | ڕۆژى٢٢-١-٢٠١٩ لقى توێکارى و هیستۆپاثۆلۆجى کۆلیژى پزیشکى ڤێترنەرى هەستا بە سازدانى سیمپۆزییەمێک لەژێر ناونیشانى ڤایرۆسى کەم خوێنى لەمریشکدا (Chicken Infectious Anemia Virus) بۆهەردوو بەڕێزان: پ. ی د. نەهلە محمد سعید و پ. ی د. نەوزاد ڕەشید عبدالرحمن, وە بەسەرپەرشتى سەرۆکى لقى توێکارى و هیستۆپاثۆلۆجى بەڕێز د. شیلان فقێ محمد صاڵح. |
سەردانى شاندێکى وزارى عێراق
ڕۆژى ١٥-١-٢٠١٩ نوێنەرانى وەزارەتى پیشەسازى کانزاکانى عێراق/ سەنتەرى توێژینەوە و بەرهەمهێنانى دەرمانى ڤێترنەرى (Veterinary drug research and production center) سەردانى کۆلیجەکەمانیان کرد کەپێک هاتبوون لە: ١- د. ایناس محجن نغمان (بەڕێوەبەرى سەنتەر). ٢- د. ضمیاء فاضل عباس (بەڕێوەبەرى پلاندانان). ٣- د. نور لیث عبدالصمد (بەڕێوەبەرى بەرهەم). کەلەلایەن ڕاگرى کۆلیج و مامۆستایانەوە پێشوازییان لێکراو, گفتوگۆیەکى تێروتەسەل کرا لەبارەى هەماهەنگى و کارى هاوبەش لە نێوان هەردوولا لەچوارچێوەى توێژینەوەى هاوبەش لەلایەن مامۆستایان و ستافى هەردوولاوە. |
یەکەمین دیدارى کۆلیژى پزیشکى ڤێترنەرى ڕێکخرا
ڕۆژى ٢٣ و ٢٤ ی ١٢-٢٠١٨ کۆلێژى پزیشکى ڤێتێرنەرى یەکەمین دیدارى ڕێکخست لە ژێر ناونیشانى The First Meeting on the Veterinary Clinical Cases دیدارەکە تایبەت بوو بەو حاڵەتە دەگمەنانەى کە لە نەخۆشخانەى فێرکارى کۆلیژى پزیشکى ڤێترنەرى و کلینیکە تایبەتەکانى مامۆستایانى هەردوو لقى نەشتەرگەرى و زاووزێ و لقى کلینک و نەخۆشییە هەناوییەکان تەشخیس کرابوون کە تاییدا باس لە هۆکار و شێوازى دەست نیشان کردن و چۆنیەتى چارەسەرکردنیان کرا لەڕێ ی کۆمەڵێک سیمینارەوە. لە کۆتاییدا ئامادەبوان کە پێک هاتبوون لە مامۆستایان و پزیشکانى ڤێترنەرى و خوێندکارانى کۆلیژەوە بە پرسارو سەرنجەکانیان بەژدارى دیدارەکەیان کرد و هیواى بەردەوامى چالاکى لەم جۆرەیان خواست. |
خولى زانستى بۆ لیژنە هاوبەشەکانى قائیمقامیەت
 ئاماژە بە نووسراوى قائیمقامیەتى قەزاى مەڵبەندى سلێمانى ژمارە ٤١٣٩ لە ٨-١١-٢٠١٨ سەبارەت بەکردنەوەى خولى مەشق و ڕاهێنان, کۆلیژى پزیشکى ڤێترنەرى-زانکۆى سلێمانى هەستا بە ئەنجامدانى خولێکى زانستى بۆ سەرجەم لیژنە هاوبەشەکانى قائیمقامیەتى پارێزگاى سلێمانى بۆ ماوەى (٤) ڕۆژ کە لە ڕۆژانى ١١-١١-٢٠١٨ تاکو ١٤-١١-٢٠١٨ لە ژێر دروشمى (لە پێناو پاراستنى تەندروستى گشتى و کۆمەڵگادا) بەڕێوەچوو, بەسەرپەرشتى بەڕێز ڕاگرى کۆلیژى پزیشکى ڤێترنەرى (پ. ی د. فەرەیدوون عبدالستار محمد), لەم خولە دا زنجیرە سیمینارێک لەلایەن مامۆستایانى کۆلیژەوە پێشکەش کران بەم شێوەیەى لاى خوارەوە
گۆران قادر سەرۆكی لیژنە هاوبەشەكانی
قائیمقامییەتی سلێمانی لە بارەی گرنگی ئەم جۆرە سیمینارانە رایگەیاند: ئەنجامدانی
ئەو جۆرە سمینارە زانستیانە گرنیەكی زۆری هەیە بۆ تەواوی ئەندامانی لیژنەكانمان
تاوەكو زانیاری تەواو و راست و دروستیان هەبێت لەبارەی گۆشت و جۆرەكانی، و لە كاتی
گەران و پشكنینەكاندا بۆ بازارو شوێنە گشتییەكان بە شێوەیەكی باشتر ئەركەكانیان
ئەنجام بدەن و لە ئەنجامیشدا تەنها ئەو بەرهەمانە بگاتە دەستی هاوڵاتیان كە
تەندروستبن و هیچ بەهایەكی خۆراكیان لەدەست نەدابێت |
هەفتەى هۆشیارکردنەوەى جیهانى بۆ بەرەنگارى دژە زیندەکان
 ڕۆژی ٢١-١١-٢٠١٨ کۆلیژى پزیشکى ڤێترنەرى زنجیرە سیمینارێکى ڕێکخست سەبارەت بە چالاکى هەفتەى هۆشیارکردنەوەى جیهانى بۆ بەرەنگارى دژە زیندەکان World Antibiotic Awareness Week (WAAW) ئەم چالاکییە لە ساڵى ٢٠١٥ەوە لەلایەن ڕێکخراوى تەندروستى جیهانییەوە ساز ئەکرێت, مەبەست لێى بەخشینى زانیارییە سەبارەت بە هۆشیارکردنەوەى خەڵک لە بەرەنگارى دژە زیندەکان, هاندانیان بە بەکارهێنانى دەرمانى دژە زیندەکان بە شێوەیەکى دروست لە هەموو بوارەکانى تەندروستیەوە. سیمینارەکان لەلایەن پ. ی د. عثمان جمال بەناونیشانى Antibiotic resistance awareness week  وە د. دیارى هیوا بەناونیشانى Role of veterinary medicine in the acceleration of antibiotic resistance development  للە کۆتاییدا گفتۆگۆ کرا لەسەر مەترسییەکانى
بەکارهێنانى ئەم دەرمانانە ئەگەر بە شێوەیەکى زانستى بەڕێوە نەچێت, وە باس لە ڕۆڵى
پزیشکانى ڤێترنەرى کرا لە بەرەنگاربوونەوەى ئەم مەترسییە. |
پیرۆزبایى
 بەناوى ڕاگرایەتى و ستافى کۆلیژى پزیشکى ڤێترنەرییەوە, پیرۆزباییەکى گەرم ئاڕاستەى بەڕێز د. شوان کەریم دەکەین بەبۆنەى هەڵبژاردنى بەڕێزیان وەک پزیشکى ساڵ (٢٠١٨) لە ووڵاتى سوید, د. شوان کەریم یەکێکە لە دەرچووانى کۆلیژمان لە ساڵى ٢٠٠٠-٢٠٠١, دووبارە هیواى تەمەن درێژى و سەرکەووتنى زیاتر بۆ بەڕێزییان دەخوازین....  |
بەژدارى کردن لە ڕۆژى سەربەخۆیى کۆمارى چیک
ڕۆژى ٢٨-١٠-٢٠١٨ بەبۆنەى تێپەڕبوونى ١٠٠ ساڵ بەسەر سەربەخۆیى کۆمارى چیک (وەک ڕؤژێکى نیشتمانى), ئاهەنگێک ڕێکخرا لەڵایەن قونسوڵى گشتى کۆمارى چیک بە ئامادەبوونى بەڕێز د. فەریدوون عبدالستار ڕاگرى کۆلیژى پزیشکى ڤێترنەرى و بەڕێز د. هاژاو عمر مراد ڕێکخەرى لایەنى خوێندنى باڵا و پەروەردە لە ژوورى بازرگانى عێراق-چیک, لەهۆتێل ڕۆتانا لە شارى هەولێر  |
بڵاوکردنەوەى کتێب
 | لە بەردەوامى هەوڵەکانمان بۆ ئاشنا کردنى کۆمەڵگا بە زانستى پزیشکى ڤێترنەرى, بەڕێز پ. ی د. فەرەیدوون عبدالستار ڕاگری کۆلیژى پزیشکى ڤێترنەرى هەستا بە بڵاوکردنەوەى کتێبێک بە ناونیشانى نەخۆشییەکانى ئاژەڵە کاوێژکارەکان, لەم کتێبەدا لە ڕوانگەى زانستى پزیشکى ڤێترنەرییەوە باس لە نەخۆشییە جۆراو جۆرانە دەکرێت کە دووچارى ئاژەڵە کاوێژکارەکانى وەکو مانگا, گا, گامێش, مەڕ و بزن دەبێت و لە ئەنجامدا زەرەرو زیانێکى گەورەیان پێدەگەیەنێت لە ڕووى کەمبوونەوەى بەروبووم و پیس بوونى ژینگە و مەترسى گواستنەوەى هەندێک لەو نەخۆشییانە بۆ مرۆڤ. ئەم کتێبە ئەکرێت وەک سەرچاوەیەکى زانستى بەسوود سەیر بکرێت بەتایبەت بۆ خاوەن پڕۆژەکانى بەخێوکردنى ئاژەڵە کاوێژەکارەکان وپزیشکانى ڤێترنەرى و خوێندکارانى پزیشکى ڤێترنەرى لە کۆلیژ و پەیمانگاکان. بەهیواى سەرکەوتن و کارى زیاتر بۆ بەڕێز پ. ی د. فەرەیدوون عبدالستار |
1-10 of 27